Пайк

ХАБАРҲО

"Ғаффор - Седой" гуруснашинӣ эълон кард

Печать PDF

Ғаффор Мирзоев, яке аз генералҳои бонуфӯзи замони ҷанги шаҳрвандӣ, ки бо ҷурми кӯшиши табаддулоти давлатӣ ба ҳабси якумрӣ маҳкум шуд, ба нишони эътироз алайҳи бозбинӣ нашудани парвандааш даст ба гуруснанишинӣ задааст.

Оиша Мирзоева, хоҳари калонии Ғаффор Мирзоев гуфт, рӯзи чоршанбе аз маҳбас занг заданд ва хабари гуруснанишинии ӯро расониданд.

Оиша Мирзоева мегӯяд, бародараш ба нишони эътироз алайҳи бозбинӣ нашудани парвандааш, даст ба гуруснанишинӣ задааст. Ғаффор Мирзоевро ба утоқи танҳоӣ бурдаанд ва феълан дар ҳамон ҷо нигаҳдорӣ мешавад.

Ба гуфтаи Оиша Мирзоева, бародараш ба ин бовар аст, ки номаҳояш ба раиси ҷумҳур ва Дастгоҳи раёсати ҷумҳур намерасанд, вагарна бархӯрд ба ӯ бояд дигар мешуд.

​Оиша Мирзоева мегӯяд, ки "Ғаффор ба унвони Дастгоҳи президент ва ба номи раиси дастгоҳ Озода Раҳмон нома навишта, гуфта буд, ки агар посухе дарёфт накунад, даст ба гуруснанишинӣ мезанад".

Ғаффор Мирзоеви 61-сола то замони ба зиндон рафтанаш, дар соли 2006, дар мақоми фармондеҳи пешини Горди президентӣ, раиси Оҷонсии мубориза бо маводи мухаддир ва раиси Кумитаи миллии олимпии Тоҷикистон кор кардааст. Ӯ хатмкардаи шӯъбаи ғоибонаи риштаи ҳуқуқи Донишгоҳи миллии Тоҷикистон аст ва як сол пеш аз боздошташ Академияи низомии Русияро низ хатм кард. Ӯ дар маросими ифтитоҳи бозиҳои олимпии соли 2002 дар Солт-Лейк-Ситии Амрико парчамбардори тими миллии Тоҷикистон буд.

Мирзоевро ниҳодҳои интизомии кишвар моҳи августи соли 2004 боздошт карданд ва Додгоҳи олӣ баъди ду соли баррасии парванда, ӯро ба ҳабси абад маҳкум намуд. Генерали собиқ Ғаффор Мирзоев ба ҷурми қасди ташкили табаддулоти давлатӣ, хариди ғайримуҷози силоҳ, нигаҳдории он, сӯистифода аз мақоми хидматӣ ва дигар ҷурмҳои вазнин, гунаҳкор дониста шудааст.



Вазорати Адлия: 27 маҳбус бо марги табии фавтид

Печать PDF

Дар нишасти хабарии Вазорати адлияи Ҷумҳурии Тоҷикисон, ки рӯзи 26.07.2017 дар ш. Душанбе доир гардид муовини вазир Мирсаидзод Ҳаким  иброз дошт.

"Айни замон дар зиндонҳои мо зиёда аз 10 000 маҳбус сукунат доранд,  аз ҷумла 237 нафар зан,  39 нафар ноболиғ дар калонияҳои тарбиявӣ, ба ҷазои як умра 80 нафар, 353 нафар шаҳрвандони хориҷӣ,   1548 нафар вобаста ба  ҳаракатҳои динию экстремистӣ,  239 нафар вобаста ба аъзогӣ ба гурӯҳҳои ғайриқонунӣ ва ҳолати  фавти маҳкумшудагон дар ин давра 27 нафарро ташкил дода, ҳамаи онҳо бо марги табиӣ, яъне бе ношинонаи марги маҷбурӣ ба қайд гирифта шудаанд".

Маҳбасҳои иловагӣ дар ҷумҳурӣ таъсис наёфтаанд, лекин қобили қайд аст, ки  сохтумони ду бинои нав рафта истодааст ва дар назар аст, ки баъзеҳо аз биноҳои пешина ба биноҳои нав кучонида шаванд, илова намуд Мирсаидзод.

Ба саволи рӯзноманигор, ки “Феҳристи номҳои миллӣ иҷроишаш ҳатмист ё тавсиявӣ муовини вазир чунин гуфт: феҳристи номҳое, ки тавсия шудаанд  аз худи нома маълум аст, ки ин  тавсиявӣ аст ин ба мақсади нигоҳ доштан ва баланд бардоштани фарҳанги миллӣ аст  ва ба сабаби он, ки ин номгӯ бо санади расмӣ ба қайд гирифта шудааст риояи онҳо ҳам аз ҷониби мақомотҳои вазорати адлия  ва расёсатҳои бақайдгирии  асноди ҳолати шаҳрвандӣ  назорат карда мешавад ва бояд гуфт, ки дар вақти номгузорӣ, агар шаҳрвандон номе пешниҳод кунанд, ки дар феҳристи тавсия шуда набошаду лекин мувофиқ бошад он номро ба комиссияи махсус пешниҳод мекунанд ва дар сурати қаул шуданаш ба феҳрист илова мешавад.

Эълони номи наздикони Гулмурод Ҳалимов

Печать PDF

Мақомоти интизомӣ дар минтақаи Кӯлоб номи наздикони Гурмурод эълон кард ва гуфт, ки дар ин миён яке аз ҳамсояҳои Ҳалимов низ дар кӯшда шудааст.

Як манбаъ аз мақомоти интизомии Кӯлоб дар суҳбат ба «Пайк» гуфт, ки аз миёни ҳафт нафар Алӣ Ҳалимов, Комил Ҳалимов ва Назир Ҳалимов зинда монда, аммо Фозил Ҳалимов, Султон Ҳалимов, Афзал Абдуразидов ва ҳамсоашон Насим Раҳматов кӯшта шуданд. Ин мабаъ гуфт, ки ин чаҳор нафар ба кормардони мақомот бархурд карда, дар пайи бархурд кӯшта шуданд. Ба гуфтаи манбаъ ин ҳама аз Дараи Фонии ноҳияи Варзоб буданд.

Элони номи наздикони Гулмурод Ҳалимов дар ҳолест, ин афрод дар пайи як задухурд бо мақомоти интизомӣ дар деҳаи Ибратӣ ҷамоати Тугаракаи ноҳияи Восеъ чаҳор нафар кушта ва се нафари дигар, аз ҷумла бародари Ҳалимов боздошт шудаанд.

Як манбаъ аз мақомоти интизомӣ дар суҳбат ба «Пайк» ин хабарро тасдиқ кард ва гуфт ин афрод мехостанд бо ин деҳа убур карда ба Афғонистон ҷирор кунанд. Ба гуфтаи ин манбаъ ҳангоми боздошт онҳо бо кормандони мақомот муқобилият нишон дода, бародари Ҳиюалимов бо корд як корманди милисаро захмӣ кардааст.

«Ин ҳодиса шаб соатҳои 19 ба 20 дар деҳаи Ибрат рӯх дод, зеро аз кушиши убури онҳо огоҳ шуда, мезостанд монеа шаванд, аммо ба кормандони мақомот муқобиличт карда, ӣародари Ҳилимов як корманди милисаро захми намуданд. Ҳоло ҳамаи назидикони Ҳалимов, ки ҳафт нафар мебошад боздошт ва нисбаташон тафтишот оғоз гардидааст»,-- гуфт мусоҳиби мо.

Аммо як манобеи дигар аз мақомоти интизомии минтақаи Кӯлоб дар суҳбат ба "Пайк" гуфт, ки дар инҷо задухурд ба амал омада, чор нафар аз наздикони Ҳалимов кушта шуда, се нафари дигар дар боздошт мебошад. Ин манбаъ афзуд, ки аз тарафи кормандони мақомот низ ҷароҳат бардошта шудааст. Аммо ин манбаъ гуфт, ки ҳоло нисбати ин ҳодиса парванда боз шуда, кормандони ҷароҳатбардошта дар бемористонанд.

Сокинони деҳаи Ибрат гуфтанд, ки ҳудуди 10 15 дақиқа садои тирпарониро шунидаанд.

Бойназар Тағоев, сардухтури бемористони марказии ноҳияи Восеъ ба "Пайк" гуфт, ки Анвар Ҳусейнов, корманди пулис ҷароҳати вазмин набардоштааст. Ба гуфтаи ҷаноби Тағоев, аммо аз суи афроди боздоштшуда чаҳор нафар кӯшта шудаанд. Ӯ гуфт, ки корманди милиса сиҳат буда, ҳоло суҳбат карда истодааст, ки баъди пурра сиҳат шудан аз бемористон ҷавоб дода мешавад.

Амалиёти боздошти бародар ва наздикони Ҳалимовро, ки қасди фирор ба Афгонистон доштаанд, ваҳоратзонаҳои интизомӣ пеш бурдаанд, гуфт як манбаъ аз мақомоти минтақаи Кӯлоб.

Боздошти бародар ва наздикони Гулмурод Ҳалимов дар ҷануби Тоҷикистон дар ҳоле иттифоқ афтод, ки мақомот ҳафтаи гузашта бародарзодаи Гулмурод Ҳалимовро аз Ҷумҳурии Адигеяи Русия ба Тоҷикистон истирдод шуд.

Истирдоди бародарзодаи Ҳалимов ба Тоҷикистон дар ҳолест, ки ҳоло додгоҳ парвандаи Беҳрузи Гулмурод, писари 18-солаи ӯро баррасӣ мекунад. Беҳрӯзро мақомот барои қасди пайвастан ба гурӯҳи тундрави «Давлати исломӣ» муттаҳам медонанд.

Боздошти пайвандони Ҳалимов замоне иттифоқ афтод, ки дар моҳи апрел рӯзномаи бритониёии “Таймс” навишт, ки Гулмурод Ҳалимов дар шаҳри Мавсили Ироқ кушта шудааст, вале ин гузориш то кунун аз дигар манобеъ таъйид нашудааст. Гулмурод Ҳалимов, сардори пешини ОМОН-и Вазорати умури дохилии Тоҷикистон, моҳи апрели соли 2015 ғайб зад ва баъди як моҳ аз ҳузураш дар Сурия хабар дод. Ӯ дар як видеои тарғиботии гурӯҳи ба ном “Давлати исломӣ” гуфт, ки ба нишони эътироз аз шеваи кори Вазорати умури дохилӣ дар робита ба намозу либоси исломӣ ба ин гурӯҳи ифротӣ пайвастааст.Ҳалимов, ки дар Амрикову Русия шеваҳои маҳви террористонро омӯхтааст, дар Тоҷикистон ба хиёнат ба ватан муттаҳам мешавад ва дар феҳрасти мавриди таъқиб дар Интерпол низ қарор дорад. Иёлоти Муттаҳидаи Амрико моҳи августи соли 2016, Гулмурод Ҳалимовро дар рӯйхати террористони хатарнок дар ҷаҳон ворид кард ва барои иттилои арзишманд дар бораи ӯ 3 миллион доллар подош ваъда карда буд. Ҳанӯз зинда будан ва ё кушта шудани Гулмурод Ҳалимов тасдиқи бебаҳси худро наёфтааст.

 

"Шикор"-и кормандони пешини Оҷонсии зидди фасод дар Тоҷикистон

Печать PDF

Бино ба иттилои мақомоти ҳифзи ҳуқуқи Тоҷикистон, тайи чанд рӯзи ахир дар шаҳри Душанбе дасти кам 10 корманди Оҷонсии назорати давлатии молӣ ва мубориза бо коррупсияи кишвар дастгир шудаанд.

Манобеъ дар мақомоти ҳифзи ҳуқуқи кишвар дар ин бора ба шарти ифшо нашудани номашон иттилоъ дода, мегӯянд, тамоми боздоштшудаҳо дар фасодкорӣ ва қаллобӣ айбдор мешаванд.

Раиси Маҷлиси намояндагони Тоҷикистон Шукурҷон Зуҳуров 26 апрел дар ҷаласаи порлумон гуфт, "маълум мешавад, шахсоне, ки зидди фасод бояд мубориза мебурданд, худ фасодкор будаанд". Вай хост, ин афрод ба ҷавобгарӣ кашида шаванд.

Ба иттилои хабаргузории «Азия-плюс», сардори Раёсати ташкилӣ-нозиротӣ Ҷамолиддин Муҳаммадзода ва муфаттиши пешини Оҷонсии зидди фасод Фирдавс Ниёзбадалов боздошт ва як мақоми баландпояи дигари ин ниҳод Умед Камолов мавриди пайгард аст.

Чанде пеш Оҷонсии назорати давлатии молӣ ва мубориза бо коррупсия хабар дода буд, ки муфаттиши пешини ин ниҳод Фирӯз Холмуродзода бо гумони қаллобӣ ва сӯистифода аз мақом дастгир шуд

Ҳамчунин хабар доданд, ки муовини пешини раиси ин оҷонсӣ Давлатбек Хайрзода ҳам бозддошт шудааст. Хайрзодаро 21 апрел, кормандони Кумитаи давлатии амнияти миллии кишвар пеш аз парвоз ба Русия дар фурудгоҳи шаҳри Хуҷанд боздошт кардаанд.

 

Шаҳрвандони Бангладеш...

Печать PDF

Шаҳрвандони Бангладеш дар марзи Тоҷикистон чӣ мекобанд?

7 шаҳрванди Бангладеш дар марзи Афғонистону Тоҷикистон ҳангоми ғайриқонунӣ убури марз аз тарафи марзбонони отряди сарҳадии ноҳияи Ҳамадонӣ боздошт гардиданд.

Насимҷон Носиров, муовини фармондеҳи қисми ҳарбии 2133-и отряди сарҳадии Ҳамадонӣ, рӯзи 27 январ дар нишасти хабарии раиси ҳукумати ноҳия гуфт, ки ин афрод ҳангоми кӯшиши убури марз ба тарафи Афғонистон боздошт шуда, ҳоло нисбат ба онҳо тафтишот оғоз гардидааст.  Сарҳадшиканон мехостанд аз марзи Тоҷикистон гузашта ба ҷангҷӯёни Афғонистон  бпайванданд", - гуфт Насимҷон Носиров ва афзуд: "баррасии парванда дар дасти масъулони Кумитаи давлатии амнияти миллӣ аст" ва дар сурати таъйиди айбашон аз тарафи додгоҳ ба ҳар кадоме аз онҳо аз 5 то 10 соли зиндон таҳдид мекунад. Инчунин Насимҷон Носиров қайд кард, ки бори аввал нест, ки шаҳрвандони хориҷӣ дар марзҳои ҷанубии Тоҷикистон боздошт мешаванд. Тобистони соли 2014 як шаҳрванди Ироқ ҳангоми убури марз аз сӯи мақомоти амниятии тоҷик боздошт шуда буд. Нерӯҳои марзбонии Кумитаи давлатии амнияти миллӣ он замон дар деҳаи Ғалабаи ноҳияи Фархор шаҳрванди Ироқ Абдуллоҳ ибни Аҳмад ал-Арабияро ҳангоми убури марзи давлатии Тоҷикистон боздошт карда буданд.

Ошкору боздошти 50 кило нашъа дар оғози соли 2017

Мақомоти тоҷик мегӯянд, дар оғози соли 2017 аллакай чанд ҳодисаи қочоқи маводи мухаддирро ҳам ошкор кардаанд. Аз ҷумла, дар ҷамоати деҳоти Саидқул Турдиеви ноҳияи Ҳамадонӣ ду сокини шаҳри Кӯлоб бо 50 кило маводи мухаддир ва як силоҳ дар як амалиёти моҳи январ боздошт шуда, чор қочоқбари афғон дар ҳудуди ноҳияи Ҳамадонӣ безарар карда шудаанд.

Дар маҷмӯъ, дар 11 моҳи соли 2016 дар ҳудуди ноҳияҳои Фархор ва Ҳамадонии ҳаммарз бо Афғонистон 583 кило маводи мухаддир мусодира шуда, 14 қочоқбар ҳангоми кӯшиши ворид шудан ба хоки Тоҷикистон ва задухӯрди мусаллаҳона нобуд гардидаанд. Илова бар ин, 12 шаҳрванди Афғонистон, ки ба корҳои хоҷагидорӣ дар хатти сарҳад машғул буданд, аз сӯи сарҳадбонони тоҷик боздошт ва тибқи созишномаи байни Тоҷикистон ва Афғонистон ба намояндагони сарҳадбонони афғон таслим карда шудаанд.

М. Раҳматов

Страница 2 из 2

Суроғаи мо:

Joomla ru