Пайк

ХАБАРҲО

Шаш роҳбари "пирамидаи молӣ" дар Тоҷикистон бо айби қаллобӣ зиндонӣ шуданд

Баъд аз чаҳор соли баҳсу баррасиҳо ба баҳси ширкати “Ҳафт бурҷ” дар Тоҷикистон нуқта гузошта шуд ва шаш масъули ин ширкат мутаносибан ба 8 то 11 сол маҳкум ба зиндон шуданд.

Додгоҳ Осимҷон Маруфовро ба 8, Олим Маруфов, Ориф Расулов ба 10 ва Саидҷон Садуллоев, Раҳимбек Саидов, Шарифбек Хушмаҳмадовро ба 11 соли зиндон маҳкум кардааст. Ин афрод, ҳамчунин баъди озод шудан аз зиндон то 4 соли дигар аз ҳуқуқи ишғоли мансабҳои давлатӣ ва тиҷорӣ маҳрум шудаанд. Ба гуфтаи додгоҳ, раҳбарони ширкати “Ҳафт бурҷ” тӯли се соли фаъолият беш аз як миллион доллар маблағи муштариёнро аз худ кардаанд.

Фаъолияти ширкат ба тариқи тиҷорати шабакавӣ ба роҳ монда шуда, шаҳрвандон баъди ба имзо расондани шартнома ва пардохти маблағҳое дар ҳаҷми 130, 260, 500, 2000 ё 9000 доллар, вориди ширкат мешуданд. Онҳо шаҳрвандони дигарро низ ба ин ширкат ҷалб мекарданд ва аз маблағи воридшуда, даромади муайяне ба даст меоранд. Ба ин хотир, ҳар муштарии ин ширкатҳо манфиатдор буд, ки дигаронро низ ба ин кор ҷалб кунад.

Додситонии Тоҷикистон ҳам мегӯяд, "раҳбарони “Ҳафт бурҷ”, бо машварати пешакӣ ва бо мақсади аз роҳи фиреб, сӯистифодаи боварӣ тасарруф намудани молу мулки ғайр, фаъолияти корхонаро дар шакли пирамидаи молиӣ ба роҳ монда, якчанд хизматрасониҳо, аз қабили маркетинги шабакавӣ, хизматрасонии маркетингӣ, омӯзиши забонҳои англисӣ, дарсҳои компютерӣ, ронандагӣ ба шаҳрвандон пешниҳод намудаанд."

Ба гуфтаи Додгоҳи ноҳияи Сино, аз соли 2011 то моҳи июли соли 2013 масъулини “Ҳафт бурҷ” беш аз 1 миллион доллар ва наздики 10 ҳазор сомонии шаҳрвандонро ғайриқонунӣ азхуд кардаанд. Додситонии кулли Тоҷикистон моҳи июли соли 2013 фаъолияти ширкати “Ҳафт бурҷ”-ро манъ кард ва ҳисобҳои онро баст. Додситонии кул он замон гуфт, ки “Ҳафт бурҷ” мисли пирамидаи молӣ кор мекунад ва мумкин аст, аз фаъолияти он мизоҷонаш зиён бубинанд.

Комментарии  

 
#1 Angie 17.10.2017 16:15
Wow, that's what I was exploring for, what a material!
present here at this website, thanks admin of this website.

http://theelderscrolls5skyrimevolution225.ru

Also visit my site twice: http://theelderscrolls5skyrimevolution225.ru
Цитировать
 

Добавить комментарий

Суроғаи мо:

Joomla ru