Пайк

ХАБАРҲО

ИҶТИМОЪ

Боздошти милиса барои гирифтани пора

Як нозири минтақавии Шуъбаи умури дохилаи Ҷумҳурии Тоҷикстон дар шаҳри Бустони вилояти Суғд бо иттиҳоми гирифтани пора аз сӯи Оҷонсии зидди корупсия боздошт шудааст.

Сомонаи Оҷонсии зидди фасод хабар медиҳад, ки капитани милитсия Шарипов Мулорӯзӣ Ғозибекович дар вазифаи нозири минтақавии ШВКД Ҷумҳурии Тоҷикистон дар шаҳри Бӯстон кор карда, дар давоми фаъолияти кориаш аз шаҳрванд «А» барои нисбаташ оғоз накардани парвандаи ҷиноятӣ 14.000 сомонӣ талаб намудааст. Ба иттилои ин манбаъ дар натиҷаи гузаронидани чорабиниҳои оперативӣ-тафтишотӣ Шарипов Мулорӯзӣ Ғозибекович зимни аз шаҳрванд «А» гирифтани маблағи 14.000 сомонӣ дар ҷойи ҳодиса дастгир гардида, маблағи мазкур ҳамчун далели шайъӣ аз ӯ ёфта гирифта шудааст. Тибқи иттилои Оҷонсии зидди фасод нисбати Шарипов Мулорӯзӣ Ғозибекович бо аломатҳои моддаи 319 қисми 1 КҶ Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.

Шаҳрдорӣ: Ба соҳибкорон то ду сол сабукӣ дода мешавад

Акс аз facebook

Ҳукумати шаҳрдори Душанбе барои соҳибкороне, ки дар сӯхтори бозори "Корвон" зарар диданд, сабукиҳо пешниҳод кардааст. Дар аташ гирифтани шаби 2-юми июл дар бозори "Корвон"-и Душанбе, беш аз 280 дӯкон ва нуқтаҳои савдо, ба коми оташ рафтааст.

Аз ҳукумати шаҳри Душанбе хабар доданд, ки  Рустами Эмомалӣ қабл аз зӯҳри 3-юми июл бо соҳибкороне, ки дар сӯхтори шаби гузашта дар бозори "Корвон" зарар диданд, мулоқот карда, соҳибкороне, ки дар ин ҳодиса зарар диданд, то ду соли оянда аз пардохти чеки ҳаррӯза ва иҷорапулӣ озод карда мешаванд.

Аз ин пештар, вазорати корҳои дохилии Тоҷикистон эълон кард, ки бар асари сӯхтор дар "Корвон" -- бузургтарин бозори шаҳри Душанбе, 25 мағоза ва 260 нуқтаи савдо, зарар диданд. Ин идора бар пояи хулосаи пешакӣ, сабаби сар задани ин оташсӯзиро, "расиши кӯтоҳи ноқилҳои барқӣ", эълон кард.

Дар торнамои вазорати корҳои  дохилии Тоҷикистон, ки субҳи 3-юми июл нашр шуд, дар шарҳи ин ҳодиса омадааст.

-Рӯзи 2-юми июли соли 2017, соати 20:03-дақиқа, дар ҶДММ «Бозори Корвон» дар масоҳати 480 метри мураббаъ сӯхтор ба амал омад, ки дар натиҷа 25 мағоза ва 260 нуқтаи савдо зарар диданд."

Вазорати корҳои дохилии Тоҷикистон дар сомонааш хабар дод, ки дар ин ҳодиса касе ҷароҳат набардошта ва талафоти ҷонӣ ҳам сабт нашудааст. Аммо ин ниҳод ҳаҷми хисороти ин оташсӯзиро эълон накарда ва гуфтааст, ки "зарари сӯхтор муайян карда мешавад."

Пайдо шудан ҷасади як корманди судиҷрочии ноҳия Восеъ аз дарёи Сурхоб

Мақомоти ноҳияи Восеъ ҷасади судиҷрочии додгоҳи ноҳияро баъди як рӯзи нопадид шуданаш аз дарёи Сурхоб дар ҳудуди деҳаи Қурбоншаҳиди ҷамоати Гулистон пайдо кардаанд.

Як манбаъ аз мақомоти интизомии ноҳияи Восеъ имрӯз дар суҳбат ба "Пайк" гуфт, ки ин корманди судиҷрочӣ як рӯз қабл нопадид шуда, дирӯз бегоҳӣ ҷасадашро аз дарёи Сурхоби деҳаи Қурбоншаҳид пайдо карданд. Ба гуфтаи ин манбаъ нисбати ин ҳодиса парвандаи ҷиноӣ оғоз гардида, тафтишот идома дорад. Аммо ин манбаъ гуфт, ки баъди ташхиси чанд соата маълум нашуд, ки ин марги маҷбурӣ ё чизе дигар аст. Инро таҳқиқи пурра собит хоҳад кард.

-Аз рӯзе пеш гум шуда буд, дирӯз бегоҳӣ тақрибан соатҳои ҳашти шаб ҷасадашро аз дарёи Сурхоб пайдо карданд. Ҳоло нисбати ин ҳодиса парвандаи ҷинояти оғоз шуда, тафтишот идома дорад. Аммо аз ташхиси чанд соата ки ҳоло хулосааш набаромадааст марги маҷбурӣ гуфта намешавад, вале баъди таҳқиқи ҳодиса муайян карда мешавад, ки ин корманди судиҷрочӣ аз чӣ фавтидааст. Ҳарчанд оби дарё низ кам буд,--гуфт ин манбаъ аз мақомот.

Дар Тоҷикистон марги мармузи кормандони суд бисёр кам иттифоқ меафтад. Мақомот низ мегӯяд, ки тафтиш собит хоҳад кард, ки ин марги маҷбурист ё ин ки  чизи дигар.

Тафсилот дар ҳафтавори «Пайк» ва ин сомона нашр мешавад

Чаро арӯси 18 сола заҳр хурд?

Додситони ноҳияи Восеъ дар робита ба марги Раҷаббии Хуршеди 18-сола бо моддаи 109, яъне ба худкуши расонидан парвандаи ҷиноӣ оғоз карда, ин ҳодисаро тафтиш карда истодаанд.

Раҷаббӣ Хуршеди 18-сола дар охири моҳи майи соли равон тӯйи арӯсӣ дошт ва ба сифати келин ба хонадони Зафар Пиров, сокини 24-солаи деҳаи Чорбоғи ҷамоати Абди Афазови ноҳияи Восеъ, қадам гузошт. Арӯсу домод қабл аз издивоҷ бо ҳам ошно набуданд ва танҳо дар шаби арӯсӣ бо ҳам наздик шуданд.

Зафар Пиров, ҳамсари Раҷаббӣ, имрӯз дар суҳбат ба "Пайк" гуфт, баҳси бакорат баъди шаби аввал маншаъ гирифт ва ӯ шубҳа пайдо кард, ки ҳамсараш нодухтар ба хонаи шавҳар омадааст ва ба ин мақсад духтарро барои ташхис ба Суд-экспертизаи шаҳри Душанбе бурданд. Зафар Пиров дар идомаи суҳбат қисса кард, ки баъди ташхис муайян шуд, ки духтар модарзодӣ будааст, аммо ӯ мегӯяд, ки бемории пуст доштанаш, ки модари арӯс ӯро фиреб карда буд, ки бемориии пусташ дар баданаш хурд аст, баъди издивоҷ маълум шуд, ки бемориаш бештар аст, ин ҳолат ӯро ба ташвиш оварда буд.

Зафар Пиров, ҳамсари Раҷаббӣ

Аммо хонаводаи духтар мегӯяд, ки пеш аз издивоҷ онҳо домодашонро огоҳ карда буданд, ки духтарашон ба бемории пуст гирифтор аст, вале ӯ рози шуда буд, ки ин издивоҷро намегардонад ва бо Раҷаббӣ оиладор мешавад.

Фазила Мирзоева, модари Раҷаббӣ, ба "Пайк" бо чашми ашколуд қисса кард, ки духтараш баъд аз 1 моҳу 7 рӯзи издивоҷ даст ба худкушӣ зад, ки дар ин кор домодаш Зафарро гунаҳгор медонад, ки духтарашро маҷбур кардааст даст ба худкӯшӣ занад. Холаи Фазила гуфт, духтараш то синфи нӯҳум хонда, бинобар мушкили иқтисодӣ натавониста буд, ба таҳсилаш идома диҳад. Модар дар идомаи суҳбат гуфт, духтараш доим ба кори хона банд буд ва бародараш иҷоза намедод, ки аз дар берун равад, вале чанд моҳи пеш хонаводаи Зафар Пиров ӯро хостгорӣ карданд.

Фазила Мирзоева, модари Раҷаббӣ

- Домод баъди тӯй духтарамро барои ташхис ба Душанбе бурдааст, ба наздашон рафтам. Гуфтам, ки ӯро ба хонаи худамон мебарам. Вале хушдоманаш розӣ нашуду гуфт, ки ҳамаи нофаҳмӣ ҳал шуд, аммо ин нофаҳми ва таънаи домод ба худкӯшии духтари ман анҷом ёфт,-гуфт Фазила Мирзоева.

Ин арӯси 18-солаи сокини ноҳияи Восеъ 37 рӯз қабл хонадор шуда, дар сӯҳбати видеоии худ дар бемористон мегӯяд, ки ҳамсараш ба ӯ таъна мезад, ки нодухтар буда, ба хонаи шавҳар омадааст. Ӯ дар идомаи суҳбат гуфт, ки маҷбураш карданд, ки то ба ин роҳ биравад. Аммо хонаводаи домод ин ҳама иттиҳомро рад мекунанд ва мегӯяд, ки зиндагии хубу хуш доштанд.

 

Афсари маҷрӯҳшудаи КДАМ-ро аз Кӯлоб ба Душанбе мебаранд

Ҳамин ҳоло 19 май тараддуди аз Кӯлоб ба пойтахти кишвар, барои идомаи табобат бурдани  афсари маҷрӯҳшудаи КДАМ дар ҷараён аст. Чуноне, ки расонаҳо хабар дода буданд ин афсар шаби 14 май бар асари ҳамлаи ашхоси номаълум 23 захми корд бардошта буд. Вазъи саломатии ин афсар муътадил аст.

Корманди ШВКД-и шаҳри Кӯлоб Марям Шариповаро, ки  баъди ду рӯзи ҳамла ба корманди КДАМ ашхоси номаълум латту кӯб карданд, барои ташхис ва табобат ба беморхонаи вилоятии №2 дар ш. Кӯлоб оварданд. Мувофиқи иттилои табибон ҳоли ӯ хуб аст.

Суиқасд ба ҷони корманди милиса дар Кӯлоб

Беморхонаи «Ёрии таъҷилӣ»-и шаҳри Кӯлоб

Шаби 16 ба 17 май шахси номаълум суиқасд ба ҷони корманди ШВКД-и шаҳри Кӯлоб лейтенанти милиса Шарифзода Марям Бурӣ, соли таваллуд 1993, истиқоматкунандаи ш. Кӯлоб кӯчаи Исмоили Сомонӣ (хонаи маъруф бо собиқ гастрономи №20) анҷом дод.

Бино бар иттилои ҳамсояҳо соатҳои 20-00 шаб Марям аз модар иҷозат гирифта, барои пардохти маблағ барои телефони дастӣ ба берун баромад. Дар роҳрав ду шахси номаълум, ки яке дуртар нишаста буд, дигарӣ наздик омада ба гардани ин духтар ҳалқа андохта кушиши буғӣ карданро кард. Корманди милиса барои ҳифзи ҷони худ мубориза оғоз кард. Ба иттилои худи ӯ модар аз тиреза  ин ҳодисаро дида, овоз бароварда ба берун баромад. Кушишҳои модару духтар натиҷа доданд, қотил ба мақсад нарасид, амали буғӣ карданро то охир ба анҷомрасонида натавонист.

Ҳоло Марям дар беморхонаи «Ёрии таъҷилӣ»-и шаҳри Кӯлоб бистарӣ аст.  Бино ба иттилои сардухтури беморхонаи «Ёрии таъҷилӣ»: «латхурии бофтаҳои мулоими девораи пеши шикам, латхурии соқи пои чап» ба қайд гирифта шудааст.

Бино бар иттилои табибон ҳоло вазъи саломатиаш бад нест. Мақомоти расмӣ аз ифшои ин хабар худдорӣ мекунанд. Ин хабар дар шаҳри Кӯлоб дар ҳоле паҳн гашт, ки шаби пеш суиқасд ба ҷони корманди Амнияти Миллӣ дар шаҳри Кӯлоб сурат гирифт. Бар асари ин ҳамла корманди 25 солаи КДАМ ҳудуди 10 захми корд хурдааст. Ҳоло вазъи саломатии ӯ ҳам хуб аст.

Гурӯҳи оперативӣ-ҷустуҷуии мақомоти ШВКД дар якҷоягӣ бо кормандони КДАМ паи дарёфти гумонбар дар суиқасд ба ҷони ин ду нафар талош доранд. Баъзеҳо бар ин назаранд, ки шояд ин кормандони мақомоти қудратӣ бо рафтори бади худ гумонбаронро дар ҷиноёти гуногун таҳқир ва шиканҷа карда бошанду ҳоло кайфари онро мечашида бошанд. Ва аммо ҳамсояҳои Марям дар сӯҳбат бо «Пайк» иброз доштанд, ки узви оилаи ин духтар хеле шахсони ҳалиму меҳрубон ҳастанд. Яке аз ҳамсояҳо, ки нахост номаш зикр шавад гуфт, ки худи Марям хеле духтари ҳалиму меҳрубон ва боодоб асту атрофиёнро эҳтиром мекунад.

«Пайк»

Афсари тоҷик барои марги ҳамхидматаш 2 сол зиндонӣ шуд

Додгоҳи низомии вилояти Хатлон Алишери Абдуқодир, "прапоршик"-и қисми марзбонии "0307", воқеъ дар ноҳияи Ҳамадониро дар марги ҳамхидматаш Умедҷон Ҳасанов гунаҳкор дониста, 2 сол аз озодӣ маҳрум кард.

Ҳасанови 27-сола 20 октябри соли 2016, пас аз 13 рӯзи хидмат дар марзи ноҳияи Ҳамадонӣ бо вилояти Тахори Афғонистон аз зарби 11 тир кушта шуд. Мақомот он замон гуфтанд, ки ӯ ҳини муқовимати мусаллаҳона бо қочоқбарони афғон дар марз ҷон дод.

Падари Умедҷон Ҳикмат Ҳасанов гуфт, дар аввал бовар дошт, ки писараш аз тири қочоқбарони афғон кушта шудааст. "Хонаи мо дар наздикии маҳалли хидмати писарам ҷойгир аст. Он шаб мо садои тирро шунидем ва хеле нигарон шудем ва эҳсос кардам, ки ҳодисаи нохуше рух додааст. Баъдан хабар доданд, ки писарат ҳангоми задухурд бо қочоқбарон кушта шуд", - афзуд Ҳасанов.

Аммо, ба гуфтаи Ҳасанов, баъди он ки кормандони қисми низомии мазкур пай дар пайи санади додгоҳӣ - тиббиро аз ӯ талаб карданд, ӯ шубҳа карда, барои санҷиши ҳодиса нахуст ба Додситонии кул ва баъдан ба додситонии низомии кишвар муроҷиат намуд.

Дар натиҷаи санҷиш муайян гашт, ки Умедҷон Ҳасанов аз 11 тири ҳамхидмати худ Алишер Абдуқодир ҷон додааст. Ба гуфтаи муфаттиш, он шаб миёни марзбонҳои тоҷик ва қочоқбарони афғон задухурди мусаллаҳона дар ҳақиқат сурат гирифтааст, вале Алишер Абдуқодир аз беэҳтиётӣ ба тарафи ҳамхидмати худ оташ кушодааст.

Пайвандони Алишери Абдуқодир куштори Умедҷон Ҳасановро тасодуфӣ меноманд. Вале волидайни Умедҷон аз ҳукми додгоҳ розӣ нестанд ва тасмим доранд, ки ба зинаҳои болоӣ шикоят баранд.

Мусодираи охирин дороии "Ҳоҷӣ Ҳалим"

Хонаводаи Абдуҳалим Назарзода фармондеҳи ошӯбгар ва кушташудаи тоҷик мегӯянд, ки мақомот аз онҳо хостаанд, то манзили зисташонро дар шаҳри Душанбе холӣ кунанд.

Духтари Назарзода Файзигул Назарова гуфт, намояндагони мақомоти интизомию ниҳодҳои дигари давлатии кишвар ҳафтаи гузашта ба хонаашон, воқеъ дар кӯчаи Аҳмади Дониши ноҳияи Шоҳмансур омада, ҳукми мусодираи манзили зисти онҳоро нишон доданд.

Назарова афзуд, мақомот ба онҳо гуфтанд, ки хонаро ҳарчӣ зудтар холӣ кунанд, чун дар акси ҳол маҷбур мешаванд, ҳукми додгоҳро бо зӯр ба иҷро расонанд. Дар ин ҳавлӣ, ба гуфтаи ӯ, ҷамъан 13 узви се хонавода, аз ҷумла ӯву фарзандонаш, ҳамсари бародар ва модараш зиндагӣ доранд

Дар манзили зисти мазкур фарзандони Бахтиёр Назаров, фарзанди 28-солаи Абдуҳалим Назарзода ҳам зиндагӣ мекунанд, ки ӯро бо гуноҳи "даъвати оммавӣ барои тағйири сохти конститутсионӣ" ва даъват барои бетартибиҳои оммавӣ ба 22 соли зиндон маҳкум карданд.

Абдуҳалим Назарзода, муовини собиқи вазири дифоъ ва генерали собиқ, ки ба ошӯби мусаллаҳона дар рӯзи 4 -уми сентябри соли 2015 айбдор мешуд, 12 рӯз баъд, дар пайи як амалиёти вижаи нерӯҳои давлатӣ 16-уми сентябр дар дараи Ромит кушта шуд.

Ба гуфтаи мақомот, ӯ бо иддае аз ҳамроҳонаш, аз анбори вазорати дифоъ аслиҳаву муҳимоти ҷангиро гирифта ба як посгоҳе дар маркази шаҳр ҳамла карданд ва чанд маъмури амниятиро куштанд. Дар натиҷаи ин ошӯб ва ҳам амалиёт ба зидди афроди мусаллаҳи Абдуҳалим Назарзода дар маҷмӯъ 30 нафар ҷон бохтанд.

Мақомоти Тоҷикистон баъдан эълон карданд, ки муовини пешини вазири дифои кишвар моликияти зиёдеро ғайриқонунӣ аз худ кардааст ва ҳамаи онҳо ба нафъи давлат мусодира хоҳанд шуд. Аз ҷумла се истироҳатгоҳ дар дараи Варзоб, тарабхонаву ресторан дар Душанбе, ферма дар Рашт ва моликияти дигар.

Страница 4 из 5

Суроғаи мо:

Joomla ru